اللہ کو دل میں بسا لو ، اللہ، اللہ کرنے والا طوطا کا دلچسپ واقعہ

اللہ  کو  دل  میں  بسا  لو! 

اللہ،اللہ کرنے ولا طوطا کا دلچسپ واقعہ

╮•┅══ـ❁🏕❁ـ══┅•╭

ایک صاحب نے طوطا پالا ہوا تھا اور اس طوطے کو ”اللہ اللہ“ کہنا سکھایا ہوا تھا، وہ طوطا ”اللہ اللہ“ کہتا تو ان کو بڑی خوشی ہوتی، ایک دن پنجرہ کھلا رہ گیا، ایک بلی ادھر آنکلی، اس نے طوطے کو دبوچا اور لے کر بھاگی تو طوطا ”ٹیں ٹیں“ کرنے لگ گیا- وہ بڑے حیراں ہوئے کہ میں نے تو اسے ”اللہ اللہ“ کہنا سکھایا تھا اب یہ ”ٹیں ٹیں“ کر رہا ہے- اتنے میں ایک بزرگ انہیں ملنے آئے، انہوں نے سارا واقعہ ان کو کہہ سنایا، وہ فرمانے لگے چونکہ آپ نے طوطے کو ”اللہ اللہ“ کہنا سکھایا تھا، اس لیے طوطے کی زبان پر تو ”اللہ اللہ“ تھا، مگر اس کے دل میں ”ٹیں ٹیں“ تھی... یہی وجہ ہے کہ جب اس کو موت آنے لگی اور بلی نے اسے پکڑا تو وہی کچھ اس کی زبان سے نکلا جو اس کے دل میں بھرا ہوا تھا- آج ہمارے دل میں کیا بھرا ہوا ہے؟ ؎

بر زبان تسبیح دَر دِل گاؤ خر

ایں چنیں تسبیح کے دارد اثر

لہٰذا آج اگر دل میں اللہ نہیں سمائے گا، ہم اپنے دل میں اللہ کو نہیں بسائیں گے، اس کے انوارات کو نہیں بھریں گے، ہمارے اندر سچ نہیں اترے گا تو پھر موت کے وقت ہماری زبان سے اللہ کا نام کیسے نکلے گا؟ اس کے لیے تو محنت کرنا پڑتی ہے اور اسی محنت کے لیے پوری زندگی دی گئی ہے-

📚موت کی تیاری ص۸۴-۸۵📚

✍محبوب العلماء والصلحاء حضرت مولانا پیر ذوالفقار احمد صاحب نقشبندی دامت برکاتہم

http://t.me/tasawwufkiahy

ــــــــــــــــــــــــــــ

فارسی شعر مع ترجمہ ؎

بر زبان تسبیح دَر دِل گاؤ خر

ایں چنیں تسبیح کے دارد اثر

اردو ترجمہ:

زبان پر اللہ اللہ اور دِل میں گائے گدھے (مال ودولت) کا تصور ہے

اگر اس قسم کی تسبیح ہے تو اس کا اثر کیا ہوگا-